தனிமை வரம்
தனிமை விடுபடல்
தனிமை துறவு
தனிமை ஓடிக் களைத்தவருக்கு
கொடுக்கும் விருது
தனிமையில்
மரங்களோடு பேசலாம்
மலர்களோடு மலரலாம்
வரவேற்பறையில் தூங்கலாம்
படுக்கை அறையில் உண்ணலாம்
நடு இரவில் பழைய டைரியைத் தேடலாம்
தேர்வு காலம் இல்லை
வேலை நேரமில்லை
தனக்கான நிறம்
தனக்கான வீடு
தனக்கான
வாசனை
தனக்கான இசை
தனிமை உரிமை
முதுமையின் மறதி மன்னிக்கப்படும்
முதுமையின் இயலாமை ஏற்றுக் கொள்ளப்படும்
முதுமையின் நோய் தள்ளிவைக்கப்படும்
தனக்கான விதி முறையும், கோட்பாடும் சரியாகக் கடைபிடிக்கப்படும்
எந்த நிமிடத்திலும் விருந்தாளிகள் வரலாம்
விரும்பினால் மட்டுமே திரும்பிச் செல்லலாம்
பழைய கதைகள் கேட்கப்படும்
பழைய திரைப்படம் பார்க்கப்படும்
அனுபவங்கள் ஆவணமாக்கப்படும்
முதுமை முன்னுதாரணமாகும்
தனிமை ஏகாந்தமாகும்
மரணப் படுக்கையில் விழும் வரை...
No comments:
Post a Comment