நடு நிசியில் இருபதாவது தளத்தில்
ஒரு வீட்டில் சமயலறை விளக்கு ஒளிர்கிறது
கடைசி இரவுகளைத் தூங்கிக் கழிக்க விரும்பாத
முதியவர் இரவைக் கடந்து கொண்டிருக்கலாம்
பச்சிளம் குழந்தைக்காகப் பால் கலக்கப்படலாம்
துணையின் பிரிவு யாரையேனும் வாட்டலாம்
அகலத் திறந்த சாளரங்கள் தற்கொலையைப்
பரிசீலிக்கலாம்
கடல் கடந்த ஏக்கப் பெருமூச்சுத் தீண்டி
சேடியை வேலைக்கு நிர்பந்திக்கலாம்
வயதுவந்த பிள்ளைக்காக ஒரு தாய் காத்திருக்கலாம்
முதல் காதல் யாரையேனும் அச்சுறுத்தலாம்
என்னைப் போல் ஒளி மாசில் ஒளிந்திருக்கும்
வின்மீனைகளைத் தேடலாம்
என் வீட்டு விளக்கு அணைக்கப்பட வேண்டும்
எனக்காக யாரேனும் பிராத்தனைச் செய்யக்கூடும்.
No comments:
Post a Comment